أكل أبيض اللون, مصنوع من اللبن ويصنع منه زبادي, جبنة وغيره كثير. يمكن أن يوضع علي الفطير, على التشيز كيك والفراخ. في ستات فاكرة انو بينعم البشرة وبيحطو على وشهم.
أنما بأة المصريين زودوا من فوائده وحاطو التاتش بتاعهم, بقينا نستعمل "قشطة" على أساس انها كلمة زي "أوكي" مثلا أو حاجة
"تيجي نروح النادي؟"
"اه قشطة أنا مش ورايا حاجة"
زي ما بنكون بنقول :"اه مربى أنا مش ورايا حاجة"
نفكر مع بعض قشطة دي جت ازاي.
واحد كان جعان لأه واحد بيقولوا تيجي نروح النادي, راح اتلخبط وقاللو قشطة بدل ماشي. عجبت صاحبو راح بدأ يقولها بدل ماشي, والظاهر ان صاحبه ده مشهور ومحبوب والناس بتحب تقلده, فبدأو يقولوها بردو.
لحد ما بقت كلمة علي لسان كل شباب مصر. قشطة. عجبي.
بس اللي منرفزني أوي, ليه قشطة؟ ليه مش شوكولاته مثلا؟ دي حتى طعمها أحلى!!
Rahma Fateen
1 comment:
فعلا والله ده في حاجات تانيه كتير مش عارفه اصلها جه منين عندك مثلا لما تيجي تقولى دى حاجه حللوه اوى تقولى دي حاجه راهيييييبة مع ان رهيبه او فظيعه المفروض انها على الحاجه الوحشة مش الحلوة
Post a Comment