أنا

أنا الصمت. 

أنا الصمت والسكوت 

أنا اللي أكلتوني أكل التوت 

واحترفتوني والناس بتموت 

أنا الصمت اللي حالل على الكبير و الصغير 

أنا هخًليك ندمان لمًا تدًير 

وتسأل نفسك "أنا ليه سكت؟" 

أنا ليه سكت لما شفت أخويا بيموت؟ 

أنا ليه سكت لما شفت الخراب ومليته سكوت؟ 

أنا ليه سكت لما شفت الصح وسبته لنفسي؟ 

أهي نفسي دي أخرتها 

وقت مش هيكون فيه سكوت 

Rahma Fateen

الطريقة الأكثر انتشاراً في تفعيل الارادة

**كل ما ستقرأه نابذ عن خبرة شخصية متواضعة والتي سببت لي الضيق في حياتي حتى اكتشفتها, فكتبت حتى لا يعيش غيري في ضيق مثلما عشت. مع التواضع الشديد. 

يمكن أن لا تتفق معي, لكن هذا رأيي 

أنا بستغرب أوي الأهالي (مع احترامي الشديد لهم, هم اللي ربونا وهم دايما صح والرغي دة) اللي بيجبروا أولادهم على حاجة. يعني هم فاكرين انهم لما يجبروهم على حاجة يبقى خلاص اقتنعو وهيفضلو متمسكين بيها؟! ياما بنسمع حكاوي عن بنات بتقلع الحجاب علشان مقتنعتش بيه من الأول. ان كان أهلها أجبروها عليه أو لأ. بس أشك, ان لو واحدة عرفت سبب ان ربنا فرض الحجاب وايه اللي بيحصل للبنات في الشوارع , جربتها أو شافت مواقف ولبست الحجاب انها هتقلعه تاني!! 

أي حاجة وحشة في الحياة عمرنا ما هنتجنبها غير لما نخاف منها, أو نعرف أضرارها. وفي ناس مش بتقتنع غير لما تجرب. ايه المشكلة في دة؟! مش بعد ما يجربوا هيطلعو مقتنعين من جواهم ان دة غلط وممكن يقنعوا الناس كمان؟! 

في النقطة دي بستغرب أوي الناس المش بتحب تسمع عن يوم القيامة والنار. أهو حاجة زي كدة مفيش حاجة اسمها نجرب العذاب ونرجع تاني علشان نحًرم؟! مش دة اللي هيقولو الكفار لما يشوفوا العذاب؟! 

أدام كدة, يبقى مفيش حل غير اننا نسمع عنها ونخاف. 

احنا بنسمع عن الجنة وعايزنها, زي بالظبط اللي بيسمع عن الحياة من غير سجاير وأد ايه مفيهاش مشاكل كتير. لكن زي ما بنسمع عن أضرار شرب السجاير, لازم بردو نسمع عن عواقب الحاجات اللي بنعملها في الدنيا والعذاب بتاعها علشان نخاف. نخاف نعمل الحاجة دي ونتعلم بعد كدة اننا منعملش الحاجة دي. 

-مثلا, انا ياما الناس قالتلي ان لازم أقول دعاء دخول الحمام وأد ايه هو مهم وبناخد عليه حسنات. عمري ما كنت بقوله!! مقلتوش غير لما قالولي ان الجن عايشيين فيه وخوفوني من الجن وخفت فعلا و بكدة بدأت أقول الدعاء! 

أنا أعتقد ان زي ما بنواجه الحلو في الحياة لازم نواجه الشر, زي ما بنسمع عن الخير لازم نسمع عن الشر. في حاجات مش هينفع نجربها, يبأة نسمع عنها كتير. نسمع عن قصص ناس جربتها وهم بيقولو ايه عنها وأد ايه هما ندمانين. في ناس مش بيدخل في مخهم غير حاجات واقعية مش زي الphysics كدة حاجات مش بتتشاف! وبردو كل واحد حسب مدخله, لو حد بيقتنع عادي لما يتقاللو الحاجات الحلوة, في الحالة دي مش هيكون في داعي نعرفه بالوحش علشان ميتأثرش. بس دة لما نكون عارفين المدخل, لو مش عارفين, نعرضه لكل حاجة علشان يتعلم. :"اللي بيتلسع من النار بينفخ في الزبادي" 

وكما قلت أنا:" الشارع المنغير مطبات, شارع مليان حوادث" 

Rahma Fateen

Them.

When I talk with my friends about celebrities, (singers mostly) I really feel so sad for them. They don't get that they're being played with like stupid people and they don't give themselves a chance to think.
First of all, those celebs live in a whole different continent, you gotta be SO LUCKY to only meet them. Not to mention the whole different culture and environment they live in, so the odds are not in your favor if you think you'll actually marry them while there are million other brainwashed people who believe the same.
This  leads to another question,
You know that, why do you love them?
-Good looking? There are lotsa other good looking guys out there with a luckier chance.
-Good voice? Listen to their songs, great, then what?
I mean if I fell in love with people cuz of their voices  i'd be in love with half the people I met. It's not really something to love people for.
When I start arguing about it, they talk about the thing that mainly made me write this.

"They do charity work!"

That's how easily they're fooled? Charity work?
Well, if their intentions were really pure (allahu a'alam) they wouldn't have said about it everywhere 'blah blah donates 3 million $ to a 7 year old with cancer' and stuff like that. Like charity is supposed to be a normal thing with billionaires. Even our religion said that we ought to do charity work, whats so special about them?

Something else, haven't they noticed who they donate to? Kids with cancer. Most likely they know them one way or another.
Why kids? Why cancer? Why not Gaza? Why not Somalia? Why not Africa? Why not Pakistan? No one noticed anything?

THEY'RE PLAYING WITH OUR HEARTS!!]

Yess.. everyone has feels for innocent kids who have diseases of no cure. Everyone will feel sorry for them anyway.

See?
It's really sick knowing that for a second we thought they were great people.
Way many people started from nothing and followed their dreams to become something important. It's no big deal. Yeah they did sacrifice and faced many problems, but again, it's not a reason to madly love someone.
or what do you think?

Leading to something else. "Their personality is so nice!" LOL DIES
Baah, how many years have you lived with them to say that? From interviews? Isn't there something called acting? Like acting to be something they're not? It's not a hard thing, you know.


I don't mean offending anyone. Love is an uncontrollable thing, and kol wa7ed 7orr. But at least, you have to admit that they are just deceiving you and consider the fact that they're playing with your mind.
Thank you.
KTHXBYE
x
Rahma Fateen

القلقاس

**تنبيه هام: هذا العنوان لا يمط بما تحته بأي صلة, وكما يقول المثل: "القلقاس راجل خباس, يمشي بين الناس فيحتاس." فأنا الان كالقلقاس محتاسة وهذة بعض الأفكار اللي  فجأة لقيت ايدي بتكتبها. 
الحياة أبسط مما تتخيلو لدرجة اننا ممكن نقول كل حاجة بلا أو نعم.

لا و نعم.

·         لأ دة مش  على الدستور

·         لأ مش هقول لأ

·         لأ مليش حق استفتي أصلا

·         لأ مش هدَيك

·         لأ كنت بكلم أخويا معلش

·         لأ احنا مش بنقدر أهالينا

·         لأ مذاكرتش حاجة امبارح

·         لأ معنديش بلاك بيري والحمد لله

·         لأ مش عايزة أجيبه

·         لأ يا ماما متعمليش قلقااااس!!!!

·         نعم؟

·         نعم الله عليك

·         نعم بردو معناها آه ف

·         نعم انني أحب  الشوكولا

·         نعم لقد مللت من براعم التي هي شغالة 24 ساعة!!

·         نعم عندي اخوات  صغيرين.  بلاش تعرفوا كام

·         نعم نعمين

·         نعم نعيما

·         نعم لا أعرف لي بيقولوا نعيما لحد لسة حالق أو مستحمي

·         نعم أنا مصرية!

Rahma Fateen

الحاجات الصغيرة.

عارفين النكتة بتاعت الواحد اللي قعد يجري ورا راجل يسألو انت صيني؟ يقوللو لأ. يقوللو طب أمك صينية؟ يقوللو لأ. يقوللو طب أبوك صيني؟ يقوللو لأ. يقوللو طب جدك صيني؟ يقوللو لأ. فالراجل يزهأ منه ولما يسألو طب جدتك صينية, يروح يقوللو اه. يروح يقوللو طب عينك مش صغيرة ليه.

مش بقولوكو كدة علشان تضحكو, هي أصلا سخيفة أنا عارفة. أنا بس لفتت انتباهي لما حصل معايا نفس الموقف.

حطيت حنة في شعري, وكل ما أعدي جنب بابايا أسألو شعري أحمر؟ يقوللي لأ. أعدي تاني أسألو شعري أحمر؟ يقوللي لأ. وكل مل أعدي أسألو شعري أحمر؟ يقوللي لأ. لحد لما زهأ راح قايللي اه.

أنا عارفة ان شعري مش أحمر, وهو رد عليا مليون مرة. بس اتبسطت لما قاللي اه في الاخر مع انها واضحة انه بيقول كدة وخلاص.

أي حاجة بتتقاللك حتى لو صغيرة, حتى لو تافهة حتى لو واضح انها مش الحقيقة, ممكن تبسطك, وساعات بتغير حياة ناس. أي كلمة صغيرة بتتقال, ممكن تسيب أثر في حياتنا للأبد.

أنا مرة كنت متعورة في صباعي عادي جدا, لقيت واحدة معرفهاش ولا عمري اتكلمت معاها ولا أخذت بالي انها عايشة أصلا, كانت بتصلي جنبي, فبعد الصلاة سألتني مال صباعك؟ اتبسطت جداا, متتخيلوش قد ايه. متعورة في صباعي دي حاجة تافهة جدا, وهي قالت كدة علشان تفرحني, مش علشان تتعرف عليا أو حاجة. مشفتهاش تاني بعدها, بس لغاية دلوقتي فاكرة الموقف ده وكل ما بفتكرو ببتسم.

ليه منعملش كدة مع كل الناس؟ أي حاجة صغيرة.

مرة كدة من نفسك جيب شوكولاتة لأخوك الصغير وانتا جي, ومش هتصدق مدى سعادته هتبقى قد ايه. انت نفسك هتتبسط. هتحس انك أثرت في حد حتى لو بس خليتو يبتسم.

الحاجات الصغيرة دي صدقوني بتقعد للأبد.

اعزم والدك على العشاء مرة.

جيبي لأختك هدية بدون سبب.

اسأل علي حد بقالك كتير مشفتهوش.

كلم حد من أقاربك أسأل عليه.

اضحك في وش حد بيبصلك كتير.

لو اتعودنا نعمل حاجات كتير زي دي, حياتنا كلها ممكن تتغير.

Rahma Fateen

الناس كلها

كلمة بتستفزني أوي. كل ما اجي أقول لحد انت بتعمل كدة ليه, يقولي: "أصل الناس كلها بتعمل كدة". 

أنا بصراحة مش فاهمة مين "الناس كلها" اللي عنده دول, لأن أنا لما ببص حوالي ساعتها مش بلاقي حد بيعمل زيو أصلا! 

بس لازم كلنا نعترف ان في على الأقل حاجة بنعملها مش مقتنعين بيها بس بنعملها علشان "الناس كلها" 

يعني مثلا: كل ما نيجي نقابل حد, نقعد نقول "ازيك؟" وهو يقول "الحمد لله". وبعدين تقول "عامل اية؟". بردو يقولك "الحمد لله" حتي لو هو حالته صعبة. وانت عارف انو بيقول كدة وخلاص. هي حاجة احنا متعودين عليها, مش بقول انها حاجة وحشة, بس ايه السبب وراها؟ أنا عارف اني لما هسأله هيقولي "الحمد لله" طب بسأل ليه من الأول؟؟! "علشان الناس كلها بتعمل كدة" 

أو يمكن دي عادات وتقاليد. بس العادات والتقاليد دي حاجة بردو "الناس كلها" بتعملها. والا مكانتش هتبقى عادات وتقاليد!! 

احنا ليه بقا بنعمل كدة؟ مش علشان الناس كلها, علشان لو حد عمل حاجة مختلفة هنستغربه, وهناخد عنه فكرة انو مش طبيعي. وطبيعي دي تقاس علي الحاجات اللي "الناس كلها بتعملها". 

حتى لو حد عمل حاجة مختلفة, هتعجب حد, هيبدأ يعملها, حد تاني تعجبه, يعملها, وكللو يبدأ يعملها لحد ما تكون هي كمان حاجة "الناس كلها بتعملها" و هكذا. 

-----------------

مش عارفة ليه الناس عندها عقدة من الناس!! مفروض كل واحد يخليه في نفسه و ملوش دعوة غيره بيعمل ايه. كدة محدش هيخاف انو يعمل حاجة غير اللي "الناس كلها بتعملها", وكل واحد هيبان على حقيقته. هتريح أوي. 

نفسي كدة أكلم حد في التليفون, يقوللي حاجة غير "ازيك". حاجة تانية. أي حاجة. مختلفة. غير اللي "الناس كلها بتقولها". 

Rahma Fateen

The world is not identical

Let me get directly into the point. No one is exactly like you. No one has the exact some eyes. No one has the exact same nose. No one has the exact same mouth. No one has the exact same hair. We all agree upon that. People might look alike, but never exactly the same.

What I want to say, is that you will never find someone with your exact same character, either. You might be in common in some interests or thoughts, but if you're similar in something, you must be different in another.
My friend and I both love reading, but she hates mango and she can't even stand the smell of it, while I totally love it, and it's one of my favorite fruits! It's just an example. I only mean that whatever you find in common with someone, you'll find a difference as well. That's the rule of life. And it is an important thing, though. That way we complete each other. It was never bad, only depending on the way we handle it.

You're on a train, you heard two people talking about politics, for example. One of them was a huge pro-something you hate. He was very supporting. You automatically judged him and thought how bad he thinks and criticized everything he said. You got off the train, into your office and surprise! The man you just judged will be working with you the following months. You hate the thought of it and start taking a side from him. Later on, you discover how brilliant he is and how good he does his work. You suddenly like him and appreciate him way of thinking. Ironic.

People say different things, wear different clothes, talk differently and think differently, but that's the good thing about it! It would suck if all the people are you were you. Same clothes, same way of talking, walking, same facial expressions. It's creepy, right?

But, we should NOT judge people by their differences. You might think someone is bad in something. The something you hate in them is the bad thing, not the whole of them. Who are you to judge if someone is bad or good, anyway?

Rahma Fateen

البراد الكهربائي

.تحذير: لو هتبدأ تقرأ, كمل للاخر , ومتحكمش قبل ما تخلص*

لما بنركز في البراد الكهربائي واحنا بنعمل الشاي, هنلاقيها عبارة عن ايه؟

شويةمية قاعدة بتسخن, تسخن, تسخن, بس قبل ما تفرقع, البراد بيفصل.

لما بيفصل, بنستفيد بالمية السخنة اللي فيه, ونعمل شاي, قهوة, هوت شوكولايت, اي حاجة حلوة.

في حالة ثانية بقة, لما بيكون البراد فيه عيب, ممكن لما المية تقعد تسخن, البراد يفرقع.

البراد اللي فيه العيب دة, ممكن يتصلح ونستفيد بيه, أو يكون عيبه كبير أوي انو يتصلح.



البنى آدمين نفس الحاجة, المواقف اللي بنعملها مع الناس هي زي البراد, واحنا زي الميه. يعني لما بتعمل مواقف مع شخص, بتفضل تسخن. تسخن, تسخن, ياأما هتفرقع, والشخص دة هيكرهك و هيشتم اليوم اللي قابلك فيه, أو لو عجبته (هو مش شايف فيك عيب يكرهو فيك), هيعمل منك حاجة حلوة, زي الشاي أو القهوة, وممكن تبقى مشروبه المفضل, هيفضل يشرب فيك, ويقدمك للناس.

اللي أنا عايزة أطلع بيه, ان احنا لازم نحاول نوري الناس ان مش كل حاجة فينا عيوب. عارفة ناس هتفهمني غلط وهتقول ان احنا كدة هنكون (fake), أنا مش قصدي نخبي عليهم, أنا قصدي, نبينلهم حقيقتنا ونعاملهم زي كل الناس على طريقتنا عادي خالص. بس انت مثلا في موقف مع شخص, بينت عيب, معجبوش, لازم هتغيرها, هتصلحها قبل ما العيب يكبر زي العيب اللي في البراد, وتكون السبب في فرقعة البراد بتاعك مع الشخص ده. يعني نهايتكم.

بردو ناس هتقولي ما احنا كدة بنرضي الناس. اه احنا بنرضي الناس, بس مش لما الناس بترضى عليك, انت برضو بترضى؟ يعني من الاخر كدة دة أحسن لك.              

انما لو الشخص شايف ان كل حاجة فيك عيوب, يبقى دي حاجة ثانية بأة. زي واحد مش عاجبه موديل البراد, عادي جدا. هتلاقي غيره هيعجبك, والدنيا هتعدي...                                                                                                                                        

Rahma Fateen