Pages

Tuesday, February 19, 2013

اذهبي الى الجحيم أيتها الحبوب اللعينة!


قعدت ساعتين بنأي لبس, وساعة كمان بلبس وبظبط شكلي, وأنا ببص في المرايا..... اتفزعت (تخيلوها كابس لوك) لاااااااااااا دة انهاردة الفالنتين, مش هينفع أخرج كدة! قعدت أصوت وأصرخ لحد ما قررت اني أفرقعها, بقرب ايدي من وشي علشان أتخلص منها, شريط حياتي سف قدامي, ليه الحبوب بتيجي في الأوقات دي بالذات؟! أكثر أوقات مش بنكون عايزين نشوف شكلها. ايدي لمستها, قلت لأ دي كدة هتعلًم, قلت في مخي مش مهم أكيد هلاقي علاج لها بعدين مينفعش أخرج شكلي كدة!! فرقعتها ورميتها بعيد عني بقرف, وفي اللحظة دي, حسيت بخطورة اللي أنا عملته, مكان الحبة كان بيوجعني جدا!! دست عليها بمنديل ونزلت جري, مش ناقصة تأخير كمان. رحت أعدًي على واحدة صاحبتي وطول ما أنا في العربية قاعدة بفكر في الموضوع دة. أنا الحبوب بالنسبة لي مش كارثة لأن وشي أصلا كله حبوب (من الشوكولاتة *هئ هئ* L) بس أنا ساعتها حسيت انو.. لأ, مينفعش اللي حصل دة, ازاي أخرج وأنا عدي حبة أد حبات عيوني؟ اتنرفزت و فرقعتها. دة الطبيعي اللي كنت هعملو, اه أهلي كلهم وأصحابي بيقعدوا يقولولي مينفعش هتعلًم وبتاع بس قلت مش مهم مجتش على الحبة دي. 

أنا ليه بأة بقولكم القصة المقززة دي؟ علشان لقيت ان الحبة دي مش أنا بس اللي بعاني منها, دة شعب مصر كله ما شاء الله, بس مش حبة مفرد حبوب, لأ حبة اللي هي العصبية. 

من أولها كدة لازم تعرفوا ان أنا برضو عصبية يعني عادي جدا, وأنا مش بقول كدة بلوم الناس اللي بتتعصب, أبسولوتلي, أنا عارفة ان الجيل مستفز ويخلًي الواحد يتعصب وبتاع وممكن متندمش ساعتها زي ما أنا مندمتش كدة, بس متأكدة ان في يوم من الأيام هتندم على كل حبة فرقعتها, اه قصدي على كل واحد اتعصبت عليه. 

البني آدم في الحياة دي بيتصرف على أد المواقف بس, محدًش بيفكر في العواقب أو حتى لو فكر هيكون متمسك باللي هو عاوزه وهيقفًل على التفكير في اللي ممكن يتسببه. 

انت عارف ان انت ممكن تغير نفسية واحد تماما من زعيئة وتهزيئة واحدة؟! أيوة زي ما بقولوكو كدة, وفي قصص كثير بتبين ان التسرع دة ممكن يؤدي لحالات انتحار في الاخر. 

كل واحد بيفكر في نفسه وازاي هينتصر على اللي قدامه و يبينله ان هو اللي صح وازاي تقول عليً كدة وبتاع, محدش بيفكر اللي قدامه هيحس ازاي. بلاش اللي قدامه, شعب مصر دايما مبيتحملش مسئولية تصرفاته وبيرميها على الآخرين. طيب, مبتفكرش انت نفسك هتحس بايه بعدين, لما الأيام تعدي وعلاقتك مع الشخص دة تتدهور, هتكون ندمان على كل كلمة قلتها له ضايقته. هو ممكن برضو البني آدم ميكنش عنده دم لدرجة انه ميهتمش حتى لو حصلت كارثة نتيجة لعصبيته؟ اه؟ طيب يبقى في الحالة دي, فكر ان انت مش بتعامل الشخص اللي قدامك دة, انت بتعامل ربنا, كل حاجة بتعملها في الآخر يااما هتكون في ميزان حسناتك أوسيئاتك. حس بجد ان ربنا شايفك وانت بتتعصب عليه, سامعك وانت بتشتمه جوة مخًك وعارف انت حاسس باية. وربنا عادل. شوف بأة انت هتتصرف ازاي. 

لخبطكو صح؟ 



*أنا لسة مش ندمانة على الخناقة بتاعت امبارح يا منة هه؟ علشان متفتكريش ان انتي كسبتي أو حاجة.



Rahma Fateen

No comments: